امرأه بلا رتوش /وجدي الحبشي

16.06.2013
11:21:21





اترك الكلام لكل امرأه حره تحب الحياه الكريمه ان تفكر جيدا في القصيده
...........مع تحياتي واحترامي لنصف المجتمع وجدي الحبشي..............
........................................................................................
كلام جميل قلتيه .............................................وان كان مش كلامك

مش مهم منين جبتيه .........................................أو مين قاله قدامك

قربته وشفت فيه .........................................أحاسيس وجراح زمانك

وتكابري وتشتكيله ..............................................ان الزمان ده خانك

تبكي عليا فيه .................................................وتهاجميني بجراحك

وتنسي الحب فيه...............................................وتبيعي قلب جالك

ترمي القسوه بيه..........................................وتخالفي أحلام شبابك

وتقولي خان وباع...................................................ودليلك انه سابك

من قال الحب ضاع.......................................أو نسي في يوم غرامك

دا القلب حب ما باع.......................................ولا أشتكي قرب عذابك

وعاش بالحب يروي.............................................جراح من فتح بابك

وينسي غرور بيدوي...................................في كلامك وفي حسابك

رحمك الله اذا................................................عرفت في يوم مقدارك

ومشيتي علي الدرب تحافظي....................علي انسان واقف قدامك

علم مخلوق وبحكمه..............................................جنتك هو أو نارك

تابعه ليه بالفطره................................................مهما تكون أنسابك

بعت نصايح جاتلك.....................................خالفتي نصوص في كتابك

وقلت خلاص أنا عارفه...................................حقوقي وواجبي تجاهك

أسمع انت وفكر..........................................في كلامي وقللي قرارك

خلاص علي كده أقدر......................................أعيش ولا يوم أحتاجك

وأرضي تكون مش أكثر..................................من تابع وأنسي نظامك

وأعرف أنك مش تقدر..........................................تلبي طلبات أولادك

أنت فاكر نفسك راجل...........................................تأمر ونقول طلباتك

تحكم وبعقلك تقدر...........................................تخطط لظروف جيالك

وتحاسب كل اللي يخالفك............................وتحافظ علي كل كيانك

مش ممكن كده , فكر.................................وأنسي أحلام في خيالك

عيش قبل ما تتحسر...................................وأرضي بأحوالي عشانك

أنا أقدر أبيع وأفكر...........................................وأشتري حتي سلامك

تخسر وحتندم أكثر......................................وتعيش في قيود أحزانك

هي مقايضه وكل ما فيها..................................يظهر طبايعك ودهائك

يوم ورا يوم بيبان معانيها.................................ولا تنكري ويزيد أصرارك

أعمل أيه وأن كنت........................................أنا راجل حر مش خدامك

أرفض أعيش في جراب معاليكي......................أو أرضي بتنفيذ أحلامك

يبقي ما فيش غير كلمه..............................واحده تتقال لنعيد أقدارك

وتعيشي في الدنيا دي حره.......................رأيك ومشورتك من دماغك

ولا تعملي حساب انك حرمه............................أو راجل بيقيس أفعالك

صبرتي ونلتي الحريه.................................وسعيتي لتحطيم أنجالك

بكلام وخناق في الصبحيه..................ومساءا تشتكي من سر غيابك

هو اللي عمل كده فيا..................................ولا خاف ولا قال أعصابك

نتعب من كتر المداويه......................وأنا اللي عشت أتحمل علشانك

بتخالفي كل الأعراف.....................................وتعيدي الأحزان لفؤادك

وتقولي الأبعد أهو راح.................................وتتمني يقبل الرب دعائك

ليه تشتكي وتقولي سماح.....................وبتعصيني صباحك ومسائك

وتغني علي كل جراح................................صابت القلب ببلوغ أخبارك

هي نصيحه أقولها وذنبك........................ان ما سمعتي كلام أعدائك

أختاري بين أمرين مش أكثر.......................وأوعي يخونك بعض ذكائك

اما تكوني تابعه لغيرك...............................أو تعيشي خدامه لأفكارك

مش كل ما تتمنيه يتحقق.............................أو ترضي الأقدار بمرادك

دنيا معدوده علينا نعيشها......................مش هتعيدلك بعض ما فاتك

أو هترجع أيام من عزك................................ان ما كانش الحب خيارك

دققي وأختاري الصالح فيهم....................قبل ما تحتاري وتزيد أحزانك

وأوعي لنفسك عيشي في حجمك...قبل ما تحملي كأس الهجر بذاتك

أنا مقدرش أعذب نفسي ............................وأرمي كياني تحت كيانك

وأنسي زماني وخاصم نفسي..............أرض غرورك وأعيش في ركابك

حبي بايدي هقتله بدري ......................وأنسي غرامي وحبي تجاهك

وأرجع سابق عهدي وأحقق......................ذاتي وحلمي بعيد عن بابك